الدليل القاطع على ان المصارعة (ليست) تمثيل

بسم الله الرحمن الرحيم

اللى جعلنى أعمل موضوع زى ده هو الإتهامات الكثيرة والمتعددة الى اتحادات المصارعة معظم الناس شايفين ان المصارعة دى كلها تمثيل وحاجات متفق عليها يعنى قبل المطش كل مصارع عارف ايه الحركات الى هيعملها و اذا كان هيكسب ولا لأ بالظبط زى افلام السينما

وللأسف مفيش حد فكر مرة انه يدافع عن الشئ الى شغل تفكير وحياة كل واحد فى المنتدى ده انا و حمادة وريمون و مصطفى الكينج ........... الخ الخ معظمنا معلق صور مصارعين وابطال وواخدهم مثل أعلى وعشان مفيش حد بيتكلم الاشاعات دى انتشرت بين الناس واحنا فى بلدنا اسرع حاجة بتنتشر هى الإشاعات.

مسألتوش نفسكو فى مطش الريسلمانيا بتاع اندرتكر و باتيستا ازاى باتيستا يقبل بسهولة انه يفرط فى حزامه أو شون ميكل يخسر ادام سينا وهو اكبر منه فى السن و فى التاريخ كل ده تفسيره ان مفيش اتفاق على كده وان الأقوى والى اكتر صمود هو الى فاز.

الدليل الى أعلنت عنه فى العنوان هو عرض الرو الماضى بتاريخ 23 ابريل كانو اعلنو ان فى ريسلمانيا رى ماتش بين سينا و ميكلز وبعده هيتلعب مباراة بين ايدج و اورتن .
لو المصارعة تمثيل كان زمانهم عارفين كل مطش هتكون مدته أد ايه بالظبط يعنى مثلا هنيجى فى اخر ساعة من العرض انتو يا سينا انت و ميكلز خلصو المطش بعد تلت ساعة وبعدين نجيب اعلانات 10 دئايئ و بعدين ايدج واورتون خلصو المطش فى ربع ساعة وكده العرض يخلص ......... لكن الى حصل ان مباراة جون سينا و شون ميكلز استمرت لمدة 45 دقيقة بالظبط ايه ده ياناس مباراة 45 دقيقة ومتكنش من نوع هاردكور أو قفص حديدى ولا رباعية لأ دى مبارة (ريسلنج) عادية جدا وبالتالى مكنش فى وقت ان المباراة التانية تتلعب معناه انهم مش مرتبين اى حاجة وكله بيمشى تلقائى

[size=16]أتمنى من أى عضو من الأعضاء انه ينزل المطش ده ويحطهولى فى الموضوع ده عشان كل الناس تشوف أعظم مباراة مابين أعظم اتنين مصارعين وشوفو المجهود والإصرار الى حصل فى المباراة من فينشات و قفزات وكله سليم مائة فى المائة.

الى كل عشاق المصارعة اتمنى انكو تردو على أى حد يشكك فى مصداقية المصارعة